After The Rain, The Sun.

Habo ko na daw mag-English ta feeling ko, may ma-edit na lang bigla kan sinurat ko. Kaya ngunyan, Bicol na nguna ako. Pag nahale na ang paranoia ko sa pag-edit na yan, saka na lang ako utro masurat ki English. Kaya Bicol tapos Tagalog na nguna akemba. Maray na iyan. Sigurado. Chakahon man nindo, wa ako ker.

Anyway, pagkatapos ki pirang aldaw na pag-uran, ngunyan, nagsakat na an aldaw. Kun kan enot may nagrereklamo ta pirmi sinda dumog ta dahil sa uran na naging baha after a long long while, ngunyan, pag may nadangog akong nagrereklamo ta mainit na, ipapangadyi kong mawara an ballpen ninda. Ballpen na sana ngaya ta baad pati ako magreklamo man.

Pero, iyo na ini an tigtataram na wara kakuntentuhan an tawo. Owel. Pero mas muya ko man giraray an init kaysa lipot ta pag malipot, bako ako komportable. Pag mainit, aw... Maray an buhay. Maski pamaypay, puwede na. Di ka pa masuon-suon ki bado.

O niya. Ta nagsakat na an saldang ngunyan. Magsuruspaghetti na kamo ta iyo na ini! Summer na.

By the way, nakakua akong bareta na kan paglabto nina LeVamp Yigae tapos ni Jesika Kalaka kan sarong aldaw, may mga soltero baya duman sainda na nagsiswimming pa sa baha. Imagine! Tapos, nagapairinutan pa sinda. Race kumbaga. Ay wow. Maintra kuta si LeVamp Yigae. Hehe. Aw diyan man palan sa baba kan opisina, may mga nagaskimboard. Libre na sindang pamasahe pasiring sa Arimbay. Su saro ngani, may helmet pa. Totyal!