Jump Shot Festival

Wow, ang ganda naman ng larawang ito! Kinuha ito malapit sa bangin, sa lubak-lubak na kalsada papuntang Manito (salamat sa artistic eyes ni Angelo.hihi). Maganda ang mga sceneries dito, lalu na kapag palubog na ang araw. Pero hindi ito ang tatalakayin natin sa episode na ito! Ito ang kwento ng isang 'grupo' (read: Jesikka Kalaka) kasama ng mga pinipitagang nilalang na sina Dennis the Baker, John Oloks, Miss Lynn, Mr. Festival, Poknat at Angelo D. Suki. Dumayo ang grupo at ang tropa sa Manito Albay para maki fiesta sa bahay ng kasamahan nilang si Phoebe. At siyempre, isa lang ibig sabihin nyan... FOODS!!! As in maraming Foods. At dito rin ipinamalas ng tropa ang Jump Shot na talaga namang usong-uso ngayon!

the 'group(JK)' with the gang

Nahirapan ang tropa na hagilapin ang bahay ng host na si Phoebe. At dahil na rin sa mga masisikip at lubak-lubak na kalsada na sa ngayon ay under construction pa rin, medyo matagal-tagal din ang nilakabay nila. Sa kabutihang palad ay nahanap din sa wakas ng grupo at ng tropa ang Big Sister House! Sinalubong kami ng sandamukal na potahe at desserts. Waw talaga as in!


MMMMmmm...yummy! Parang boxing ang bakbakan! Naka ilang rounds ang tropa pabalik ng hapag kainan. Pagkatapos ng ilang oras ay na solve na rin ang mga tiyan nila sa wakas!


Marami-rami din ang nalamon ni JK. Sa katunayan maraming sumabit na karne sa kaniyang 50K braces. Pero wala itong panama sa kaniyang hinliliit!

It's Jump Shot Time!

Sa kagustuhang magpatunaw ng taba, nag pasya ang tropapips na maglakad-lakad papuntang pier at mag sight-seeing. Maganda ang view ng makarating sila sa pampang. Kitang-kita ang Mayon at napaka aliwalas ng hangin. Siyempre, bitbit na nila ang camera para sa picture-taking spree!

Here we go! Jump Shot time!

Ready...Set...

Ready to take off na ang grupo at ang tropa. Iwinagayway na ni Mr. Festival ang kaniyang mga kamay na tila handa ng lumipad anytime... Si John Oloks naman ay nag iistretching habang si Angelo ay kumukuha ng bwelo...

Go!

Naging effective ang warm-up ni Oloks. Mataas ang kaniyang elevation sa jump 1. Si Poknat ay 'di gaanong naka take off. Si JK ay ganun din dahil sa daming nakaing extra rice. Maganda ang initial leap ng host na si Phoebe habang si Mr. Festival, Angelo at Miss Lynn ay nahuli.

2nd Attempt

Sa pangalawang pagkakaton ay humugot na ng extra energy ang mga hindi nag tagumpay sa first jump. Sa tagpong ito ay naki join na ang jump shot master na si Dennis. Kung mapapansin nyong lahat, si Miss Lynn ay todo-bwelo na sa tagpong ito, pati na rin si Mr. Festival...

Success!!! almost...

Naks!!! Ang ganda ng porma (huwag lang titingin sa tiyan ni JK, HAHAHAHA). Wow, ang astig naman ng mga paa ni Poknat, pang anime! Lahat ay naging successful, maliban na lamang kay Phoebe na hindi matagumpay sa kaniyang 2nd jump. Wow, way to go Baker! Oh wait, saan napunta ang leeg ni Miss Lynn??

One more time...:))

Back 2 Base

Napagod rin sa wakas ang bibong tropa. Sa tagpong ito ay pabalik na sila sa bahay ng host para as usual, kainan nanaman! At gumawa pa ng Mango shake ang mga host na talaga naman yummilicious! Bumiyahe na ang tropa bandang alas kwatro ng hapon na may bitbit pang mga kakanin na bigay ng host....At diyan nagtatapos ang isa nanamang masayang araw ng barkadahan... Nakaka miss na...

Anyway, ingat kayo lagi. We love you all!!! Hanggang sa muli!

guys, magtaga comment man:)